Foto: Morten Wanvik/vestland fylkeskommune
Profilmateriell er alle kommunikasjonsverktøy vi bruker for å representere og promotere oss. Dette kan vere trykksaker, digitale presentasjonar og grafiske framstillingar som styrkjer merkevara vår og skapar attkjenning. Slik blir vi meir synlege, gjev eit profesjonelt inntrykk og byggjer omdøme.
Roll-up/messeutstyr. Oppsett og malar
Roll-ups og anna messeutstyr er praktiske og effektive verktøy for å formidle buskap på ein tydeleg måte. Dei er laga for å enkelt ta med seg, setje opp og ta ned, noko som gjer dei ideelle for messer, konferansar eller arrangement.
Roll-ups, beachflagg og messevegger fungerer som eit visuelt blikkfang på grunn av storleiken. Dei kan enkelt tilpassast med ulike design, bilete og fargar etter kva dei skal brukast til.
Pass på at innhaldet er ryddig og enkelt, slik at alle raskt forstår kva det gjeld og kven som er avsendar. Roll-ups og messeutstyr skal gje ein stopp-effekt. Har du mykje innhald du treng å formidle treng du gjerne ein faldar i tillegg, eller ein QR-kode som viser til ei nettiside.
Illustrasjon som viser avstand mellom dei forskjellige grafiske elementa på ein roll-up.
Under er fire utformingsforslag til roll-up. Frå link under bilda kan du laste dei ned som bilete (jpg) eller som InDesign-pakke (zip).
-
Roll-up mal 1 - vlfk
-
Roll-up mal 2 - vlfk
-
Roll-up mal 3 - vlfk
-
Roll-up mal 4 - vlfk
Last ned alle i ei zip-fil
Bildekor
Visning av bildekor på forskjellige biler.
Bildekor er ein viktig del av den visuelle profilen vår og bidreg til at organisasjonen blir synleg og at bilane våre er lett å kjenne att. Rett bruk av logo, fargar og utforming på bilar er med på å styrkje identiteten vår. Her viser vi korleis bildekor skal sjå ut på køyretøy til fylkesadministrasjonen og skular, og korleis bilar frå avdelinga infrastruktur- og veg skal sjå ut. Bilane frå INV treng ekstra synlegheit i trafikken.
Fylkesadministrasjonen og einingane våre
Til bilar frå fylkesadministrasjonen, skular eller tannhelsetenesta er det sett opp to forslag til bildekor. Den enklaste variant har berre logo. Då skal logoane vere plassert som på denne skissa:
Illustrasjon som viser kor logo skal plasserast på framdør. Logo skal plasserast på begge framdørene. Nettadresse skal på baksiden av bilen.
Bildekor til fylkesadministrasjonen og skulane. Oversikt og produksjonsfiler. (pdf)
Infrastruktur og veg
Bilane frå INV treng ekstra synlegheit i trafikken, og har difor chevronmerking på baksida av bilen.
Nettadresse til baksida: vestlandfylke.no (utan www).
CMYK-fargekode til oransjefargen: 0, 74, 85, 0.
Slik ser dekoren ut på forskjellige biltypar.
Produksjonsfil for dekor i 1:10 (pdf)
Eksempel på dekor på diverse biltyper (pdf)
Last ned alle i ei zip-fil