Foto: Morten Wanvik/Vestland fylkeskommune
Fotostil
Vi ønskjer at bilda våre skal skape truverdige og positive assosiasjonar. Dei skal som hovudregel vere tekne i realistiske situasjonar og omgjevnader. Menneske skal framstillast naturleg og ekte. Bilde som skal framstille natur, geografi, næringsvegar, busetnad og folkesetnad i Vestland skal vere tekne i Vestland fylke. Abstrakte motiv kan òg brukast.
Fotostilen gjeld også for video: naturlege og ekte motiv, tekne i Vestland.
Du finn bilda våre i bildebanken vår - link oppe til høgre på denne sida.
Profilfoto
Profilfoto er foto som er teken i ein eigen stil og blir brukt til forsidebilde og dekorbilde, på same måten som du ville ha brukt dekorelementet. Kjenneteikna på våre profilfoto er at dei er tekne i fugleperspektiv med ulik avstand til objekta, akkurat som det geografiske kartet er brukt som dekorelement. Fargefilter med fargane frå profilpaletten kan også brukast.
Profilbilda i fotostilen skal brukast på same måte som dekorelementet til å forsterke den visuelle identiteten, skape stemning eller bidra til estetikk utan å fokusere på ein spesifikk person, situasjon eller stad.
Foto: Morten Wanvik/Vestland fylkeskommune