Vestland fylkeskommune skal stå fram som tydeleg og einsarta i alle kanalar. Den visuelle profilen legg til rette for god kommunikasjon, og alle dei grafiske elementa er utarbeidde for å vere tydelege på alle digitale og trykte flater.
Designmanualen skal fungere som ein rettleiar som sikrar at profilen blir brukt konsekvent både internt og eksternt. Den inneheld elementa i den visuelle profilen med tilhøyrande retningsliner og forklaringar. Dei er det viktig å følgje. Konsekvent bruk av profilen gir eit einsarta uttrykk som bidreg til å styrkje fylkeskommunen sin identitet.
Den visuelle identiteten til Vestland fylkeskommune viser forenkla utsnitt av fylket sett frå lufta. Konseptet har fått namnet "Overblikk". Den visuelle identiteten er knytt til fylkesvåpenet til Vestland. Medan fylkesvåpenet er ei attgjeving av kystlina sett ståande framanfrå, har designkonseptet «Overblikk» teke utgangspunkt i eit perspektiv ovanfrå.
Animasjon som viser konseptet i den visuelle profilen vår, Overblikk:
Har du spørsmål om profilen, kontakt grafisk faggruppe i kommunikasjonsseksjonen.